الخصوصية

بنخزن إيه

اسمك، وإيميلك أو رقم موبايلك، وكلمة السر بعد ما تتحول لـ hash (مش بنقدر نشوفها). وإجابات الاستبيان: سنك، طولك، وزنك، نشاطك، هدفك، أمراضك، أدويتك، وحساسيتك. ولو استخدمت المتابعة: أوزانك وقياس وسطك وقراءات السكر والضغط ويومياتك (وجبات ومياه وتمرين وأكل ضفته)، وكلها متشفرة زي الاستبيان. بنخزن كمان hash لكود الاسترجاع (مش الكود نفسه).

بنحميها إزاي

إجابات الاستبيان بتتشفر (AES-256-GCM) قبل ما تتخزن، ومربوطة بحسابك بس. كل الاتصال HTTPS، وكوكي الدخول مقفول على الموقع ده ومش متاح لأي سكريبت. بعد كذا محاولة دخول غلط الحساب بيتقفل ربع ساعة.

مين بيشوفها

انت بس. مفيش إعلانات، ومفيش أدوات تتبع، ومفيش بيع أو مشاركة لبياناتك. الموقع شغال على Cloudflare.

الدكتور الذكي

لما تسأل الدكتور الذكي، سؤالك ومعاه بيانات الاستبيان وأرقامك وخطتك ومتابعتك (الأوزان وقراءاتك والتزامك) واسمك الأول بيتبعتوا لشركة Anthropic (مزوّد الذكاء الاصطناعي Claude) علشان يرد عليك. إحنا مش بنخزن نص المحادثة، بنعد عدد الأسئلة في اليوم بس. Anthropic بتتعامل مع البيانات دي حسب سياستها لاستخدام الـ API. لو مش عاوز ده، متستخدمش الشات، وباقي الموقع شغال من غيره.

تحليل صور الأكل

لو صوّرت طبقك، الصورة (بعد ما بنصغّرها) بتتبعت لـ Anthropic علشان تقدّر الأصناف والسعرات، ومش بنخزنها عندنا، بنخزن بس الأكل اللي إنت اخترت تضيفه بعد تعديلك. التقدير تقريبي.

مسح بياناتك

من صفحة حسابك، «امسح حسابي» بيمسح الحساب وكل البيانات نهائياً.

تنبيه طبي

الأرقام إرشادية ومبنية على معادلات معروفة، ومتغنيش عن الطبيب. الحمل، والأنسولين، وأمراض الكلى، والسن أقل من 18 محتاجين متابعة طبية.

تواصل

محمد عبد الهادي، صاحب ومطوّر الموقع: mohamadtony888@gmail.com · واتساب